الساعه 10:45

صحتني خوخه تسأل تبي تاخذ الهاردسك معها لانه بتروح جده بعد
الجامعه :(
قلتلها طيب وجيت ابي اكمل نومي وماقدرت :(
الشيطان اخذ براسي ولعب على كييييف كيفه والدوره جايتني يعني
خلاص :(
وانا افكر بسالفه لسى ماصارت وان شاء الله ماتصير وافكر وافكر وافكر
وجاتني حاله بكى عجيبه وانا الي ابكي :|
واحاول اوقف بكى ابد مافي فايده :(
قمت اتعوذت بالله ورحت اتوضيت وصليت الضحى :(

اعوذ بالله عشان بكرا اختباري وابي نفسيتي تكون تمام تحول :(
قلتلكم انا عنواني النكاده :(

نزل جدول المستوى الثاني
كل شي كنت ابيه الحمدلله لقيته
ماعاد ماده مانزلت لي بروح بعدين انزلها ان شاء الله
واليوم العصر فيه تعديل وحذف واضافه بضيف ماده غير الماده الي فوق
و بعدل ماده ان لقيت لها شعبه وان مالقيت حذفته ويصير السبت عندي اوفف
بنام اللحين لان التعديل يبدأ 4 العصر وابي الحقه قبل تقفل الشعب واتورط :(

ان شاء الله يارب حق عليه :(

:(

النت مو راضي يشتغل
من العصر وانا احاول فيه عساه بالماحي إن شاء الله استغفر الله بس
كتبت هالكلام من بعد المغرب وللحين مااشتغل بروح اتفرج لي شي عبال يجي
احس اني ضايعه بدون نت (><)
إهئ إهئ ابغ نت :(

الساعه 9:42
توه يجي الكلب ومافي ابطئ منه بااااقا :(

هنآكِ آنآسٌ تجتآحنا الرآحةُ عندما نراهمِ يبتسموُن
نشعر بأن كل شيء بخيرِ ,..
تجلى همومنآ كأنهآ لمُ تكنِ


وتجلعنآ نشعرُ آننا ودونِ غيرنآ
~ آلآسعدُ ~

مطر!

الساعه 5:27 ص

اليوم الساعه 3 الليل يعني قبل ساعه ونص نزل مطر
وه يافرحتي رميت اللاب وطلعيت السطوح فرحاااااااانه انطط والعب
لدرجه اني صيت ابوي من نومه خخ
انقهرت من نفسي غبيه انا كمان افكر وانا انطط وهم تحتي نايمين
مره انقهرت استغفر الله بس
بس قعد 10 دقايق ووقف المطر :(
تمنيته يطول :(
أحب عشقي المطر يالله يوم ينزل كأنه عيد وربي
لدرجه اذا كنت نايمه على طول اصحى وعالسطوح
وكل ماانزل اذني تلتهب علي :( يارب ماتلتهب علي اليوم :(
وربي من كثر مااحب المطر صرت اهلوس فيه والله
يارب انك ترزقني واسافر واسكن ببلده جوها يكون بارد دايم وامطار وشي يفتح النفس
يارب والله اني احب مكه واني حمار عشاني افكر اني اخرج منها
بس والله ان مودي هو الجو الحلو البارد والغيوم والضباب والمطر


"إذا أستطعت أن تحلم بشيء ما , فإنك تستطيع تحقيقه"
. (والت ديزني)

يارب يارب يارب أن كنت تعلم أن امنيتي هذي خير لي فحققها لي يارب :(

بروح أقرا لي شويه من البدايه والنهايه لين يأذن الفجر ثمن أرجع على اللاب ق1

!

الساعه 11:25

يقول شكسبير :

- هناك ثمة وقت في حياة الإنسان إذا انتفع به نال فوزاً ومجداً، وإذا لم ينتهز الفرصة أصبحت حياته عديمة الفائدة وبائسة ..!

:(

الساعه 4:33
قال إيش بصلي العشاء وانام
والله ماحطيت راسي ولا فكرت اصلاً :(
اعوذ بالله مدري فين راح النوم ذاك كله :/
نومي اكرهك :(
ولا ذاكرت ولا قرأت لي شي ولا سويت حاجه
انا انسانه استغفر الله بس مدري كيف بوصف نفسي
العب مابين تويتر وتمبلر :/
مره مااستفدت حاجه حتى استغفر الله ماقلتها

يارب انك تنور بصيرتي :(
وارجع اقرأ زي زمان :(
واترك اللعب والتسويف وانتبه لدراستي

يارب والله اني مرضت
لا نفسيه ولا جسم ولا اخلاق :(
اش اسوي في نفسي بالله :(
لا حول ولا قوه الا بالله بس :(

يارب قوي عزيمتي :(

بروح أغصب نفسي عالقراءه لين يأذن :(

اكرهني !

نزل مطر بعد على صلاه العصر وعلى صلاه العشا
ياناس يجنن وربي شوي وابكي الجو خطيييييير تقولون ليش ابكي
لاني عارفه ااسبوع بالكثير ولا اسبوعين وبنرجع للقرف والحر والمكيفات
ماني قادره اتهني في الجو
ماادري ليش تفكيري سقيم أنا كيذا !
اوف الله يعدل من نفسيتي وماجي :"(

عندي نوم فضيييييع ذابحني مدري وش فيني
مع اني نمت الظهر وصحيت العصر :/
بصلي العشا وبصلي الأستخاره للقرار الي قلتلكم عليه اني بتخذذه :$
امي وايوي مهم مشجعيني بالمره .. بس انا عارفه نفسي لو مااتخذت بقعد على حالي هذا الين اموت
او ربي ينزل رحمته علي ويلهمني قوه الصبر :(
في كلتا الحالتين قراري ذا بقعد اصلي الاستخاره واقنع فيهم واتعمق في الموضوع لمن ربي يفتحها علي :(

يارب سهل علي أموري وألهمني الصواب :(

بصلي واذا طار النوم بجي اكمل لعبي هنا خخخ واذا ماطار مضطره ارقد لأن اخلاقي زي الزفت !

قاعده اشوف المباراه المهزله
اش دا يا لاعبينا والله انكم مصصصصخره الله يعين عليكم بس
اجل سوريا والاردن تفوز علينا الله يقهر ابليس بس
فشله وربي لا لعيبه ولا مدرب ولااتحاد سعودي ولا شي
لعنه الله عالشيطان بس
من جد من جد قهر إذا كنا خسرنا على منتخبين مايسوون
اش قله الحيا هاذي عالاقل ياخي تأهلوا واخسراذ ا لعبتم مع اليابان
بأي حق تلعبون مع اليابان اللحين اوم الفشله والله
والجوهر يقول لعبنا جيد من ناحيتنا اي جيد يرحم امك بس
اخسروا بس بلعب عدل مو لعب يفشل
دايم اذا تحمست مع بطوله نخسر فيها
وكل مره اقول معد بتابع مبارياتنا وارجع اتابعها زي البقره

بروح اصلي المغرب احسن لي :/

الحمد لله !

الساعه 10:52 ص
دخلت اختباري 8:05
خرجت 8:22
كان مره مره مره مره سهل زي ماتوقعت طبعاً
كلها صح وخطأ و اختياري من متعدد
لو إني قرأت المنهج مرتين بتركيز كان جبت ال 50 وأنا مغمضه عيوني
لكني لعبت ولعبت ولهيت وقرأته اي كلام
لو بشوف كم صح عندي وكم خطأ يمكن 70% واثقه من إجاباتها
و 30 % مني واثقه منها مو معناتها انها كلها خطأ لا فيها كثير صح إن شاء الله

حطيت مذكرتي جنب القاعه ولا فكرت اراجع نهائي
على قوله موظفه الامن يوم شافت صاحباتي يراجعوا " تراجعوا ليه في النهايه حتنحرقوا عالفاضي ولا تقدروا تصححوا اخطائكم روحوا بيوتكم احسن لكم "
على قولتها بس حنقهر عالفاضي ارقد احسن لي خخ

معد عندي إختبار الا الخميس الجاي يااااااي اسبوع إجازه

باقي لي كثثثثير بس النوم غلبني :(
بنام لي ساعه ولمن اقوم بكمل :|
عارفه اني بندم بس مشي حالك كأني اول مره اسويها عاد خخخ
عادتي ماابطلها :(
يلا سي يو ليتر بقفل اللاب لاني لو ماقفلته بقعدعليه ولاني برقد :(
brb

بابو !

الساعه 11:05
وانا لسى مامسكت الماده !!
غباء ولا غباء مدري
اووف جدياً جدياً بروح امسكها اللحين
واذا مامسكتها بحتقر نفسي بصراحه << لا كثر الله خيرك عاد خخخ
خخخخ بقول شي قبل اخرج
اشتريت فره جديده للابي تهبل هههه شكلها مره تحفه
لونها احمر بعد خخخ اخوي يقولي حافظي عليها تراها اصليه من شركه سوني خخخ
بنزل صورها في تمبلري ق1 ق1
http://rthaath.tumblr.com/
<< تبي تعلن عنه بأي طريقه خخخخ :$

:(

الساعه 9:38
مامسكت الماده لسى خخخ حاسه ببرود فضيع
مدري اش فيني مني قادره اذاكر والله اني لعابه ربي :(
بصلي العشاء واحاول اذاكر :(

عندي إختبار بكرا :(
علم نفس طفوله ق1
الماده حلو وسهله وظريفه جداً
والاسئله حتجي موضوعيه يعني مره حلو
بس اش اسوي مالي نفس امسك الماده ولا اراجعها حتى :(
بحاول واحاول لاني لازم اجيب معدل حلو جداً عشان يمديني اخذ 20 ساعه المستوى الجاي :(
ابي اتخرج وافتتك :(

from hell

صحيت الظهر الساعه 2 صليت سويت لي برجر << لو مااقعد الا عليه ماامل منه ق1
وتفرجت فلم لجوني ديب ( أحد افضل الممثلين بالنسبه لي ) اسمه فروم هيل
طبعا الفلم لجوني وقصه قديمه من ايام 1888 لندن وجريمه وتحقيق
اجتمعوا ذولا كلهم كيف مابيكون حلو اعطيه 10:10
وربي كلمه خطير قليله عليه ق1
اذن العصر صليت طلعت السطوح مشيت الين اذن المغرب
وناسه الجو جداً خطير ماحسيت بالتعب نهائي  !

احسني معد اقدر اركز النوم ذابحني :|
تفرجت حلقتين من مسلسل كوري اسمه عماره الحصاد
جريمه كوميدي خطيير والله 20 حلقه
مع ان الابطال مش ولا بد بس القصه جديده عالمسلسلات الكوريه الي شفتها ق1

عندي اختبار الخميس مقدر اكمله بكرا :(
بس اتوقعوا ميه في الميه اني حطنش المذاكره واتفرج كعادتي طبعا :$

بروح اصلي الوتر وانام
قود نايت :$

!

غسلت عبايتي وسويت لي برجر يمييييي
ناقصني مشروب اكره ثلاجتنا اذا ماكان فيها شي ينشرب
احس مره مالها داعي :(
بروح اتفرج لي شي كوري ق1

شانيل :)

خلصت الموفي حب1
كنت على بالي شانيل اول مااسست شركتها عطور طلعت غلطانه ملابس
والله اني في جهه والموضه والملابس في جهه خخخ

الفلم خطيييير وربي اعطيه 9:10
هذا اقتباس من نهايه الفلم " عرفت بالمرأه الحديثه ,
هي كانت المرأه الاولى التي برزت في عالم الرجال ,
لتأسيس إمبرطوريه تحمل إسمها لم تتزوج قط , عملت حتى مماتها عام 1971 ,
يوم الاحد كان العطله الرسميه للشركه وهي قد كانت كرهت يوم الاحد "

تصاميمها تجنن وربي ق1
الا سؤال خطر على بالي اذا ماتزوجت وماعندها احفاد الشركه اللحين من ماسكها
والارباح تعود لمين << شف اش همها خخخ

كوكو شانيل :)

نزلت فلم فرنسي يحكي عن حياه كوكو شانيل ق1
متحمسه اشوف قصه حياتها وكيف سوت شركتهاوعطورها وكل شي عنها ق1 ق1
يارب انه يعجبني بس !!!
راجعه بالقصه والتقييم :)

هبله :(

كنت قاعده مع ابوي نتناقش في قرار ناويه اتخذه ان شاء الله
مشكلتي ( وياكثر مشاكلي ) اني مااعرف اعبر عن الي في داخلي
مشاعري مخاوفي مره مااعرف تخيلوا انو ابوي طوال الوقت تقريبا ساعه وشوي وهو يسحب الكلام مني سحب
وانا مااتكلمت الا كلمتين تقريباً احسني ودي اصفق نفسي ليش مااتكلم زي الخلق اعوذ بالله
المشكله القرار الي بتخذه ابوي يقولي انا مااشجعك عليه ولا انصحك فيه وكمان ماامنعك عنه
انتي كبيره وتعرفين تقررين بنفسك اسألي واستخيري واستخيري واستخيري لمن تقررين
مسكين عجز ياخذ مني كلمه عدله في النهايه قالي روحي استخيري
اوف :(
بروح اصلي العشاء !

فتاه المصنع !

اول ماخلصت الفلم حطيت راسي ورقدت :)
كان جميل الفلم جداً يحكي عن حياه ممثله في هوليود اسمها إيدي وكيف اشتهرت
وكيف انها مدمنه مخدرات ومعامله اهلها لها وهي صغيره وكيف انه المصنع الي كانت تشتغل فيه مع إندي
هو سبب انحطاطها والناس معد صارت تبي توقع عقود معها لانها (مبتذله)
اني وي الفلم كان حلو اقيمه 7,5:10
نزلت كمان كم فلم كلها سيره ذاتيه ق1
تستهويني نوعيه هالافلام حياه الشخص وكيف كبر وكيف عاش وكيف اخترع اذا كان يعني مخترع
بشوفها كلها قبل الخميس ان شاء الله :)

تفاهه دكتوره :(

الساعه 9:53
رجعت من الجامعه !
الدوام مره ماسخ اصلاً اليوم ماعندي الا اولى وثانيه
وخلصنا المنهج بس اليوم نروح تقييمنا على الجزء العملي الا بالمناسبه خليت سميه تسويه واخذت الدرجه الكامله عليه !
احس بالذنب اذا اخذت درجه كامله على شي وانا ماسويت في حاجه !
اول مادخلت الكلاسالا وهي تنادي على اسمي وريتها عملي وقيمتني وقالت خلاص اخرجي !
بغيت الكمها على وجهها جايبتني من الصبح على دقيقتين مالت بس :(
بس يلا اهم شي الدرجه !!
بكمل فلمي وارجع اقول رأيي فيه :)

صباح الخيير

صباح الخيير !
اليوم الثلاثاء الساعه 6:48 الصبح
قررت قبل اروح الجامعه اشوف موفي يغير لي مودي شوي ويصحح صحني شوي
اسمه factory girl  تصنيفه سيره ذاتيه !
بس بدأت فيه امي تجي وتقول بندر جا قومي البسي وروحي قبل يروح ينام وتتأخري بعدين
قلت في نفسي اش الحظ النحس دا استغفر الله بس !!
بلبس واروح جامعتي وأرجع اكمل فلمي ق1

كيوهيون !

عندما نتكلم عن الجمال :(
بعض الاحيان اقعد اطالع فيه لدرجه اذا قفلت الصوره اوتومتيك ارجع افتحها :(
مو جميل بالله ؟!!!

!

اليوم الاثنين الساعه  م2:00
يعني بإختصار الثلاثا
بكره ضروري اروح الجامعه عشان اسلم مشروعي :(
مره مالي نفس نهائي اروح ولا انام مدري اش بي انا عارفه حتجي الساعه 4 واحط راسي وانكد على يومي كله
مره نومي شنبع لاقصى درجه ممكنه اعوذ بالله
ماادري كيف اعدله :( 
كل شي حالياً في ذي الفتره عندي شنيع
نومي اكلي جامعتي اخلاقي كل شي :(

بروح احاول اني ارقد او اشوف لي شي أتفرجه ق1

جوليا اند جولي ^^

احب الطبخ بشكل كبير وأقدره يمكن لاني اعلاف اطبخ
مو اعرف اعرف يعني على قوله امي عندي نفس في الطبخ
بمعنى اذا طبخت اجيد الاكله الي سويتها
بس طبعا بما اني كسوله كما ذكرت انفاً مااطبخ الا ي السنه حسنه او على حسب مزاجي
قريب شفت فلم جوليا اند جولي يتكلم عن قصه طباختين الفلم جميل انصح فيه
جولي تبغ تصير زي جوليا الي هي طباخه عظيمه بس لانها كسوله زيي قامت انشئت لها مدونه
وسوت تحدي لنفسها في سنه كامله كل يوم حتسوي طبخه من طبخات جوليا
وتكتب يومياً الطبخات ومقاديرها وكيف سوتها
البوينت اني خقيت عند الاكل وربي كان نفسي اول ماخلص الفلم اروح السوبر ماركت واقضيييي وارجع اطبخ ق1
بس كما ذكرت انفاً الكسل ومايسوي :(

احب القراءه بشكل كبييير
بس هالايام مدري وش فيييني كل ماأمسك كتاب ارجع اقفله
شريت 5 روايات قبل كم أسبوع والي الان قرأت 3 أوراق من روايه
وفصلين من روايه ثانيه بس !!
ماابغ اقرأ نهائي :(
يارب انها حاله وبتعدي حنتحر على كذا مره ابغ اقرأ :(
أمس شريت كتاب البدايه والنهايه من زمان ابغ اقرأه ق1
يارب بس تنفتح نفسي وابدأ فيه قريب :(
وحشتني القراءه :( :(

:)

كان قراري يوم فتحت هالمدونه اني اكتب يومياتي فيها وخرابيطي
اهم شي اكتب !
بس لاني انسانه مافي اكسل منها في الدنيا ماعمري فتحتها الا مرتين !!
عشان كذه قررت الصفحه حقت المدونه بتقعد مفتوحه واي شي يصير بجي اكتبه
شين ولا حلو !!
هو كيذا المفروض من أول يصير !!

!

من زمان وانا نفسي اقص قصتي مدري ليه بس ابي اقصها !
وماادري وش كان مخليني مااقصها !!
فجأه اليوم وانا قاعده عاللاب في أمان الله  عالتويتر وموقع الجامعه اقيم الدكتورات عشان يمديني اشوف درجاتي
وهذي سياسه الجامعه مااخذ  درجتي الين اقيم الدكتورات !
البوينت اني سبت كل الي في يدي وفرقت شعري من النص ومسكت المقص وقصيت !!
بدون ماافكر ولا ثانيه وحده !!
شكلي صاير تحفه بس والله مو مره شين :$
أهم شي اني سويت الي براسي وقصيتها حتى لو ماطلعت حلوه xd